Ajit Pawar:अजित पवार यांनी आता कुणाला ‘डोळा’ मारला? व्हिडीओ होतोय तुफान व्हायरल

Ajit Pawar :महाराष्ट्राच्या राजकारणात आता पुन्हा एकदा उपमुख्यमंत्री अजित पवार यांच्या डोळा मारल्याच्या चर्चांना उधाण आलं आहे. अजित पवार यांचा डोळा मारल्याचा व्हिडीओ सोशल मीडियावर सध्या तुफान व्हायरल होतोय. अजित पवार यांनी प्रसारमाध्यमांच्या कॅमेऱ्यासमोर डोळे मारण्याची ही पहिली वेळ नाही. याआधीदेखील अजित पवार यांनी डोळा मारल्याचं कॅमेऱ्यात कैद झालंय. त्यानंतर आज पुन्हा नाशिकमधील पत्रकार परिषदेत त्यांनी डोळा मारला. त्यामुळे राजकीय वर्तुळात आता पुन्हा एकदा विविध चर्चांना उधाण आलं आहे.

 

अजित पवार (Ajit Pawar) यांच्या नाशिक येथील पत्रकार परिषदेत आज अनोखा प्रकार बघायला मिळेल. चिन्ह तुम्हाला मिळणार का? असा प्रश्न पत्रकारांनी अजित पवार यांना विचारला. यावेळी उत्तर देताना अजित पवार यांनी डोळा मारला. अजित पवार यांची ती उत्सफुर्त प्रतिक्रिया होती. पण त्यांनी तो डोळा नेमका कुणाला मारला? यावरुन पुन्हा राजकीय वर्तुळात विविध चर्चांना उधाण आलं आहे.

अजित पवार (Ajit Pawar) यांना चिन्ह तुम्हाला मिळेल का? असा प्रश्न विचारण्यात आला. त्यावर त्यांनी चिन्ह कुणाला मिळेल हे आगामी काळात दिसेल असं उत्तर अजित पवारांनी दिलं. हे उत्तर दिल्यानंतर अजित पवार यांनी डोळादेखील मारला. मात्र अजित दादांनी डोळा नेमका कुणाला मारला? अशी चर्चा आता रंगत आहे.

 

 

अजित पवार डोळा मारण्याआधी नेमकं काय म्हणाले?

“तुम्ही काही काळजी करु नका. तुम्ही का काळजी करता? स्थानिक स्वराज्य संस्थाच्या निवडणुका किंवा कुठल्याही निवडणुकांवेळी चिन्ह आणि एबी फॉर्म द्यावा लागतो. तोपर्यंत सर्व गोष्टींचा तुमच्या डोक्यात लख्ख प्रकाश पडेल”, असं अजित पवार म्हणाले. त्यानंतर त्यांनी डोळा मारला.

याआधीदेखील अजित दादांच्या डोळे मारल्याची चर्चा

शिंदे-फडणवीस सरकारने मार्च महिन्यात राज्याचा अर्थसंकल्प सादर केला होता. या अर्थसंकल्पावर विरोधकांनी टीका केली होती. अर्थसंकल्प सादर केल्यानंतर विधान भवन परिसरात विरोधी पक्षांची पत्रकार परिषद पार पडली होती. सुरुवातीला अजित पवार आपली भूमिका माध्यमांसमोर मांडत होते. त्यानंतर उद्धव ठाकरे पुढे आले.

अजित पवार  (Ajit Pawar)यांनी उद्धव ठाकरे यांना प्रसारमाध्यमांसमोर जाण्यासाठी जागा दिली. ते बाजूला झाले आणि उद्धव ठाकरे माध्यमांच्या कॅमेऱ्यासमोर आले.उद्धव ठाकरे सत्ताधाऱ्यांवर त्यावेळी टीका करत होते. यावेळी अजित पवार यांनी डोळा मारला होता. अजित पवार यांचा डोळा मारल्याचा तो प्रसंग देखील कॅमेऱ्यात कैद झाला होता.

1 thought on “Ajit Pawar:अजित पवार यांनी आता कुणाला ‘डोळा’ मारला? व्हिडीओ होतोय तुफान व्हायरल”

Leave a Comment