Gold Price Today: ग्राहकांना दिलासा नाहीच! सोने-चांदी दरात मोठा उलटफेर, जाणून घ्या आजचा भाव

Gold Price Today on 25th July 2023 :भारतीय बाजारात सोने आणि चांदीच्या किमतींमध्ये चढउतार सुरूच आहे. अमेरिकेची केंद्रीय बँक यूएस फेडरल रिझर्व्हच्या महत्त्वपूर्ण बैठकीपूर्वी आणि दर वाढीच्या अंदाजापूर्वी डॉलर (USD) एक आठवड्याच्या उच्चांकावर पोहोचला ज्यामुळे सोने, चांदी आणि इतर धातू दबावाखाली आले. अशा स्थितीत भारतीय वायदे बाजारात सोन्या-चांदीने वाढ नोंदवली असताना सराफा बाजारात मात्र आज सकाळी सोने आणि चांदीच्या दरात घसरण नोंदवली गेली आहे.

 

सोने-चांदीचा आजचा भाव काय:

(Gold Price Today)मंगळवारी मल्टी कमोडिटी एक्सचेंज (MCX) वर सोने आणि चांदीच्या दोन्ही किमतींमध्ये वाढ झाली आहे. आठवड्याच्या दुसऱ्या दिवशी सकाळच्या सत्रात सोन्याचा ऑगस्ट वायदा MCX वर रु. ५९ हजार २४१ प्रति १० ग्रॅम स्तरावर उघडला आणि कमोडिटी मार्केटच्या सुरुवातीच्या काही मिनिटांतच ५९ हजार ०५५ रुपयांच्या इंट्राडे नीचांकी पातळीवर घसरला.

त्याचप्रमाणे एमसीएक्सवर आज चांदीचा दर ७४ हजार ३७९ रुपये प्रति किलो पातळीवर उघडला, परंतु नफा वसुलीमुळे लवकरच ७४ हजार २६८ रुपयांच्या इंट्राडे नीचांकी पातळीवर आला. दुसरीकडे गुडरिटर्न्सच्या ताज्या माहितीनुसार सराफा बाजारात सोन्याच्या किमतीत किमान १५० रुपयांची घट झाली आहे. २२ कॅरेट १० ग्रॅम सोने ५५ हजार तर २४ कॅरेट १० ग्रॅम सोन्याचा दर १६० रुपये घसरणीसह ६० हजारांवर आला.
जागतिक बाजारात सोने-चांदी महागले:
आंतरराष्ट्रीय बाजारात सोन्याच्या किमतीने आज दिवसभरातील नीचांकी $१,९५४ प्रति औंस पातळीवरून पुन्हा उसळी घेतली आणि विविध आशियाई बाजारांमध्ये पहाटेच्या व्यापारादरम्यान $१९६३ च्या इंट्राडे उच्चांकी पातळीवर पोहोचला. आंतरराष्ट्रीय बाजारात चांदीची किंमत प्रति औंस $२४.५० च्या आसपास आहे.

सोन्याची किंमत कशी ठरते?

बाजारात सोन्याची मागणी आणि पुरवठा यावर मोठ्या प्रमाणावर सोन्याची किंमत अवलंबून असते. सोन्याची मागणी वाढल्यास दरही वाढतात, तर सोन्याचा पुरवठा वाढला तर किंमत कमी होईल. याशिवाय जागतिक आर्थिक परिस्थितीचाही सोन्याच्या किमतीवर परिणाम होतो. उदाहरणार्थ, जागतिक अर्थव्यवस्था खराब कामगिरी करत असल्यास गुंतवणूकदार सोन्याकडे सुरक्षित आश्रयस्थान म्हणून पाहतात, त्यामुळे सोन्याच्या किमतीत वाढ होते.

1 thought on “Gold Price Today: ग्राहकांना दिलासा नाहीच! सोने-चांदी दरात मोठा उलटफेर, जाणून घ्या आजचा भाव”

Leave a Comment